Raha misy virus ny kaonty Facebook-nao

Amin’ny maha fitaovana be mpampiasa ny kaonty Facebook dia betsaka ihany koa ireo fanafihana mety hihatra aminy. Ny tanjona matetika dia ny hahafahana mangalatra ny kaontinao na koa hahafahana manaparitaka bibikely na virus. Indro ara atolotra amin’ity lahatsoratra ity hoe ahoana no fomba fanalàna ireny bibikely ireny. Fa mialoha izany, ny fanafody tsara indrindra dia ny fiarovana. Aza maimaika manindry  sary eny amin’ny rindrina, indrindra sary vetaveta. Aza maika manokatra video na dia avy amin’ny namanao akaiky aza. Aleo anontaniana foana ilay olona mandefa hafatra. Ary raha sendra manindry sary na video dia aza maika ny miditra lalina. Ny akamaroan’ny video sy sary tena izy mantsy dia vao tsindrina dia misokatra ny sary. Raha ohatra mbola tsy ilay sary no misokatra fa fanontaniana na fangatahana fanamarinana (confirmation) dia efa tsy izy intsony izay.

** FILE **  The Facebook logo is displayed at a news conference in New York in this November 6, 2007 file photo. A new application is aiming to inject more commerce into the social playground by paying Facebook members who help make sales to their friends. (AP Photo/Craig Ruttle, file)

Toa izao ara ny dingana fanalàna an’ireny virus ireny. Raha tsy mahavaha olana ny dingana iray dia mirosoa amin’ny dingana manaraka.

 

Ovay ny tenimiafina (mot de passe)

Ny zavatra voalohany atao rehefa sendra misy ahiahy hoe misy tafiditra ny kaontinao dia ny fanovàna ny tenimiafina. Rehefa manova tenimiafina dia mangataka i Facebook hoe hidina avokoa ve ny fitaovana mbola misokatra, dia ekena. Izany hoe raha mbola misy fitaovana misokatra mampiasa ny tenimiafina teo aloha any dia tapaka ka tsy maintsy mampiditra ilay tenimiafina vaovao indray.

Hidio ny “sessions” mbola misokatsokatra

Tsara atao matetika ny mijery ireo sessions misokatra. Io no hahitana hoe toerana aiza sy aiza no mampiasa ny compte facebook-nao. Raha olona hafa noho ianao no mampiasa facebook dia mety hoe nanana tenimiafina izy dia miditra. Mila hidina izany ny sessions mbola misokatra.

Mandehana ao amin’ny paramètres -> sécurité -> sessions actives na jereo eto avy hatrany.

Hamarino ireo “applications” tafiditra ao amin’ny facebook

Matetika koa misy applications nekenao hamoaka zavatra amin’ny anaranao ao amin’ny Facebook. Jereo ny lisitry ny Applications ao amin’ny Facebook dia esory izay ahiahiana ho manaparitaka virus amin’olona.

Mandehana ao amin’ny paramètres -> applications. na jereo eto avy hatrany.

Esory ny “extensions” ao amin’ny Chrome na Firefox izay mety manembatsembana

Raha efa natao daholo ireo zavatra telo eo ambony ireo nefa mbola manaparitaka virus ihany ny kaontinao dia tsy ao amin’ny Facebook intsony ny olana fa efa ao amin’ny ordinateur mihitsy. Koa ny voalohany indrindra atao dia esorina ny “extensions” amin’ny “navigateur” ampiasainao (toa ny Chrome na Firefox na Internet explorer).

Mandehana ao amin’ny menu an’ilay navigateur (Chrome na Firefox) dia ao amin’ny gestion d’extensions dia esory na désactiver-o izay tsy azonao antoka.

Mampiasà anti-virus

Raha efa nataonao daholo ireo ambony ireo nefa mbola tsy  misy fiovàna dia efa tena ao amin’ny ordinatera-nao mihitsy ilay virus. Ka mila ampiasainao ny anti-virus-nao hanadiovana ny ordinateur.

Raha mila fanazavana fanampiny dia mametraha hevitra na manontania eto ambany.

Read More

Raha feno ny kaonty Gmail

Betsaka ireo mitaraina fa feno ny kaonty email Gmail 15 Go ka ito misy torohevitra fohifohy mety ho azo atao vahaolana amin’izany. Voalohany indrindra aloha dia tsy tokony ho gaga hoe maninona no feno ny 15Go satria io 15Go io dia ho an’ny kaonty Google rehetra (sary, drive, gmail etc). Mety ho vetivety, noho izany, dia ho feno io raha tsy hay tsara ny mandamina ny zavatra tokony hotehirizina. Koa raha feno ny 15Go dia ito misy vahaolana kely azo atao izay tsy haiko na ara-dalàna mifandraika amin’izay fitsipik’i Google na tsia :-). Tsy tompon’andraikitra aho raha sendra misy olana aterak’ity fikafika ity.

Gmail

Amin’ny ankapobeny dia izao no nasaiko natao. Manokatra kaonty gmail vaovao hatao tahiry dia sintomina miditra amin’io kaonty io avokoa ny email amin’ilay boaty feno.

1. Mamorona kaonty gmail vaovao (azo atao hoe tahiry_1_anarana@gmail.com) satria mety mbola hisy ny tahiry_2 sns, ary ny anarana, ohatra, dia anarana hitehirizanao azy.

2. Miditra ao amin’ilay kaonty vaovao dia mandeha ao amin’ilay hoe “Paramètres” (na settings na impostazioni). Dia mandeha ao amin’ny “Comptes et Importations” (Accounts e importazioni). Dia mampiditra an’ilay kaonty feno eo amin’ilay hoe “Importation du courrier et des contacts”. Angatahany ao ny adiresy email amin’ilay kaonty feno. Apetraka ny email dia avy eo angatahany ny tenimiafina sy ny mombamomba ny kaonty feno hotrohana. Ny safidiana dia hoe pop.gmail.com miaraka amin’ny port 995 ary mampiasa ssl (jereo ny sary eto ambany)

sary_gmail_feno2

3. Tsy misy kitihina eo amin’ny pejy manaraka satria tiana hofafaina izay hafatra voafindra avy amin’ilay kaonty feno. Mety haharitra hatramin’ny 2 andro ny famindrana hafatra raha feno ny 15Go.

4. Rehefa tapitra ny famindrana dia mila ajanona. Izany hoe mandeha indray ao amin’ilay kaonty tahiry dia miditra ao amin’ny “Parametres” toa ny teo aloha. Dia ajanona ilay “importations”. Raha tsy izany mantsy dia tsy hisy mailaka ho tonga intsony ao amin’ilay kaonty feno teo aloha fa izay tonga dia trohan’ilay kaonty vaovao daholo.

Rehefa vita io dia afaka miditra amin’ilay kaonty tahiry rehefa hitady ny hafatra voaray taloha.

Read More